काठमाडौँ । प्रधानमन्त्री केपी शर्मा ओलीले सिने जगतको विकासका लागि आफूले गोरखाको पालुङटारमा सिने सिटी बनाउने चाहाना रहेपनि कलाकारहरूलाई बुझाउन नसकेको बताएका छन् ।
बिज्ञापन
उनले पालुङटारमा सिने सिटी बनाउन सकेको भए देशी विदेशी सिनेमा छायाङ्कन हुने आफूलाई लागेपनि त्यो सम्भव नभएको बताए । काभ्रेको बनेपामा निर्मित चलचित्र छायाङ्कन स्टुडियो (सिनेपा) निर्माण आरम्भ उद्घोष समारोहमा बोल्दै प्रधानमन्त्री ओलीले बनेपामा सुरु भएको स्टुडियो सम्पन्न गर्नुपर्ने बताए ।
बिज्ञापन
‘अत्यन्तै राम्रो पालुङटारमा हुन्थ्यो भन्ने मेरो ठहर हो । त्यहाँ भएको भए विदेशी सिनेमा पनि इनडोर आउटडोर सवै कुरा एकै ठाउँमा हुन सक्थ्यो’, प्रधानमन्त्रीले भने,‘सुटिङका कुरा हुन सक्थे, रेल खिच्नुपर्यो भने अन्त जानुपर्दैन थियो । त्यहीँ हामी एउटा यताबाट पस्ने उताबाट निस्कने रेल आइहाल्थ्यो ।’
तर उनले कलाकारहरूलाई आफूले बुझाउन नसकेको बताए । ‘तर मैले कलाकारहरूलाई बुझाउन सकिनँ । मेरो जानकारी र नलेजको कुरा होइन । त्यसकारण जहाँ सजिलो हुन्छ त्यहीँ बनाइयो डाँडाको टुप्पोमा’, प्रधानमन्त्रीले भने,‘जे होस् त्यसका निम्ति नयाँ काम थालेका छौ, त्यसलाई सफल बनाउनुपर्नेछ ।’
बिज्ञापन
उनले थालेपछि सफल हुने पनि बताए । ‘मैले गाह्रो छ नानु त्यहाँ नथालन भन्दा भन्दै धुर्मुस सुन्तलीले क्रिकेट मैदान सुरु गरे । बहुमत दुख गरे । माया लाग्छ’, ओलीले भने, ‘तर त्यो क्रिकेट मैदान पनि बन्छ र उनीहरूको दुख कष्ट पनि हट्छ एक दिन ।’
उनले स्टुडियो निर्माणले सिने जगतलाई नयाँ युगमा लैजाने विश्वास समेत व्यक्त गरे ।
