विगत केही दिनदेखि बढेको वायु प्रदूषणका कारण काठमाडौँ उपत्यकामा देखिएको बाक्लो तुवाँलो हट्न अझै केही दिन लाग्ने भएको छ।
बिज्ञापन
जल तथा मौसम पूर्वानुमान महाशाखाका अनुसार हाल देशमा पश्चिमी वायु र स्थानीय वायुको आंशिक प्रभाव रहेको छ। लुम्बिनी प्रदेशलगायत पहाडी भूभागमा आंशिक बदली देखिएको छ।
बिज्ञापन
मौसमविद् बिनु महर्जनका अनुसार भोलि शुक्रबारदेखि वायुको वेग बढ्ने सम्भावना रहेकोले क्रमशः मौसममा सुधार आउने र आकाश खुल्दै जाने अनुमान गरिएको छ।
हाल काठमाडौँ उपत्यकामा वर्षाको सम्भावना नरहेको भए पनि बादल हट्दै जाने संकेत देखिएको उनले बताइन्।
बिज्ञापन
बुधबारको तुलनामा बिहीबार तापक्रम केही घटेको छ भने भोलिदेखि क्रमशः तापक्रम वृद्धि हुने मौसमविद्हरूको अनुमान छ।
