दाङ – दाङ जिल्ला निर्माण व्यवसायी संघका अध्यक्ष तथा सामाजिक अभियन्ता प्रविन भण्डारीले आफ्नो जन्मदिनको अवसरमा गरिब तथा विपन्न परिवारलाई खाद्यान्न तथा लत्ताकपडा वितरण गर्नुभएको छ। समाजसेवामा सधैं अग्रसर रहने भण्डारीले आर्थिक अभावमा कठिनाइ झेलिरहेका परिवारलाई सहयोग पुर्याउने उद्देश्यले १५ हजार बराबरको राहत सामग्री वितरण गर्नुभएको हो।
बिज्ञापन
उहाँले पीडित तथा सहारा बिहीन नागरिकका लागि चामल, दाल, नुन, तरकारी, लत्ताकपडा लगायतका आवश्यक सामग्री वितरण गर्नुभएको थियो। राहत प्राप्त गरेका एक बहिनीले खुशी व्यक्त गर्दै भनिन्, अब दुई महिना त ढुक्क हुनेछु।
बिज्ञापन
भण्डारीले यसअघि पनि समाजमा विभिन्न परोपकारी कार्य गर्दै आउनुभएको छ। उहाँका अनुसार सक्षम व्यक्तिहरूले समाजमा आर्थिक रूपमा कमजोर तथा गरिब नागरिकहरूलाई सघाउनुपर्ने हुन्छ।
उहाँले आफ्नो जन्मदिनलाई भव्य रूपमा मनाउने सट्टा समाजसेवामा रूपान्तरण गरेर उदाहरणीय कार्य गर्नुभएको छ, जसले अन्य व्यक्तिहरूलाई पनि यस्ता सामाजिक कार्यमा प्रेरित गर्नेछ।
बिज्ञापन
