नेपाल भन्सार एजेन्ट संघका अध्यक्ष गौतम भट्टले त्रिभुवन विमानस्थल भन्सार कार्यालयले एजेन्ट भन्दा बाहिरका अन्य ब्यक्तिको विस्वास गर्ने गरेको आरोप लगाएका छन् । त्रिभुन विमान स्थल भन्सार कार्यालयमा आयोजित एक कार्यक्रममा बोल्दै भट्टले यस्तो आरोप लगाएका हुन् । उनले भन्सार कार्यालयमा हुने सबैखाले समस्याहरुको फेस भन्सार एजेन्टले गर्नुपर्ने भएपनि भन्सार कार्यालयले एजेन्टकै विस्वास नगरेको आरोप लगाएका हुन् । ब्यापारिले पत्याएको भएपनि भन्सार कार्यालयले एजेन्ट भन्दा बाहिरका मान्छेहरुको बिस्वास गरेको बताएका छन् । भन्सार एजेन्ट भनेको खासमा ब्यापारी र भन्सार कार्यालयको बिचको पक्का पुल हो, जस्मा भन्सार कार्यालय र ब्यापारिहरु निवार्ध रुपमा विस्वास गरेर हिन्नुपर्ने हुन्छ । तर यहाँ त भन्सार कार्यालयले नै बाहिरका मान्छेको विस्वास गरि काममा समस्या समेत निमत्याएको उनले बताएका छन् । उनले कार्यक्रमा उपस्थित अतिथिहरु र जिम्मेवार निकाय लाई सुझाबको रुपमा ग्रहन गर्न अनुरोध गर्दै भन्सार कार्यालय र एजेन्ट बिच बिस्वास हुन आवस्यकता रहेको बताएका छन् । पेपरलेस,फेसलेस र क्यासलेसका नारा केवल नाराको रुपमा सिमित रहेको प्रति ध्यान आर्कषण गराउदै अहिले पनि काम गर्न ठुलाठुला फाईल बोकेर हिन्ने कहिले सम्म भन्दै प्रश्न गरेका छन् । सामानको आयात र निर्यातमा भएका समस्याहरु प्रति बेलैमा सबैको ध्यान जान आवस्यक रहेको र कारोबारोमा समेत नेपाल किलेरिङ हाउस र बैंकले समेत सहयोग नगरेको गुनासो गरेका छन् । कार्यक्रमा आक्रामक बनेका भट्टले भन्सारमा भएका समस्या सामाधानका उपाया समेत सुझाएका थिए ।
बिज्ञापन
बिज्ञापन
