काठमाडौं।राजस्व अनुसन्धान पथलैयामा असुलीका कारण त्यहाँका व्यवसायी आजित बनेका छन् । अनेकौं बहानामा रकम असुली गर्ने, व्यवसायीहरूसंग महिनावारी उठाउने, भारतीय नम्बर प्लेटका मालबाहक सवारी साधनहरूबाट खुलेयाम रकम असुली गर्ने जस्ता कार्यहरू भैरहेका छन् । विभिन्न संचार माध्यमहरूमा असुली धन्दाको बारेमा तथ्य सहितका समाचार प्रकाशित तथा प्रसारित भैरहेका छन् । तर रजास्व अनुसन्धान कार्यालय पथलैया, राजस्व अनुसन्धन विभाग र प्रधानमन्त्री कार्यालय कसैले पनि छानबिन र अनुसन्धान नगरेको कारण असुली झनै व्यापक भएको छ।
बिज्ञापन
पथलैया कार्यालयका एक कर्मचारीको मिलेमतोमा राजस्व छली र चुहावट हुने गरेको देखिन्छ । राजस्व अनुसन्धान विभाग पथलैया कार्यालयका कर्मचारीको बदमासीका कारण भारतीय क्षेत्रबाट नेपाल प्रवेश गर्ने मालबाहक गाडीलाई सेटिङमा निर्वाध तरिकाले गन्तव्यसम्म जानलाई सहजीकरण गर्ने कार्यमा अधिकृत तीर्थराज पासवानको सेटिङ छ । स्रोतका अनुसार, राजस्व अनुसन्धान कार्यालय पथलैयामा विभिन्न ट्रान्सपोर्ट कम्पनी, क्यारिङ गर्ने व्यवसायी तथा भन्सार छलेर लुकीचोरी मालसामान ल्याउनेहरुसम्मबाट सेटिङमा प्रत्येक मालबाहक गाडीबाट पैसा लिएर छाड्ने गरेका छ्न । कर्मचारीसँगको सेटिङमा राजस्व र भन्सार तिर्नुपर्ने मालबाहक गाडीले गाडीमा भएको सामानको हुबहु राजस्व नतिरी ल्याइन्छ, जसका कारण राजस्व संकलनमा समेत कमी आएको छ । अधिकृत पासवन यसअघि विभिन्न भन्सार कार्यालयमा पनि बसेका थिए । त्यहाँ पनि उनले व्यापक अनियमितता गरेको कर्मचारीहरु बताउँछन् । भन्सारबाट उनी पथलैया कार्यालयमा सरुवा भएका थिए ।
बिज्ञापन
सापवनको बदमासीका कारण भारतीय क्षेत्रबाट नेपाल प्रवेश गर्ने मालबाहक गाडीलाई सेटिङमा निर्वाध तरिकाले गन्तव्यसम्म जानलाई सहजीकरण गर्ने कार्यमा कर्मचारीकै सेटिङ रहेको छ । राजस्व अनुसन्धान कार्यालय पथलैयामा विभिन्न ट्रान्सपोर्ट कम्पनी, क्यारिङ गर्ने व्यवसायी तथा भन्सार छलेर लुकीचोरी मालसामान ल्याउनेहरुसम्मबाट सेटिङमा प्रत्येक मालबाहक गाडीबाट पैसा लिएर छाड्ने गरेकोले राजस्व छली र अनियमितता बढेको बताइन्छ । त्यस्तै, हरेक मालबाहक सवारीसाधनसँग रकम उठाउने र त्यसबापत ती मालबाहक गाडीलाई बिनाचेक–जाँच र राजस्व नतिराई गन्तव्यसम्म जान दिने गरेका छन् ।
बिज्ञापन
उनले अन्य कर्मचारीको समेत डर नमानी आफूखुसी मालबाहक गाडीलाई प्रवेश र लाइन दिने गरेका छन् ।पथलैयामा चेकजाँचमा कडाइ नगर्दा त्यही नाका हुँदै काठमाडौं आएका कतिपय मालबाहक सवारीसाधनलाई उपत्यका प्रवेश गर्ने नाकाहरुबाट पक्राउ गरिन्छ । उनीहरुले राजस्व नै नतिरी आएको, प्रज्ञापनपत्र र गाडीमा भएको सामान नमिल्ने गरेको भेटिनुले पथलैयामा अनियमितता भएको पुष्टि हुन्छ ।
