यो कमेडी शोले विश्वभरका मानिसहरुको निकै राम्रो प्रतिक्रिया पाएको छ । तर अहिले यो शोसँग जोडिएको चकित पार्ने खबर आएको छ । कपिल शर्माका फ्यानका लागि एउटा स्तब्ध पार्ने खबर छ ।

बिज्ञापन

१९२ देशमा प्रशारण भइरहेको कमेडियनको लोकप्रिय शो ‘द ग्रेट इन्डियन कपिल शो’ प्रिमियर भएको दुई महिनाभित्रै बन्द हुँदैछ । कार्यक्रमको अन्तिम एपिसोड यही शनिबार प्रसारण हुँदैछ ।

बिहीबार, शोको जज अर्चना पूरन सिंहले आफ्नो इन्स्टाग्राम स्टोरीहरूमा ‘द ग्रेट इन्डियन कपिल शो’को सेटबाट र्यापअपको तस्विर साझा गरिन् । एक केकका साथको तस्बिरमा क्याप्सनमा लेखिएको थियो । ‘सिजन सकियो ।’

बिज्ञापन

पछि पिंकभिल्लासँग कुरा गर्दै अर्चनाले ‘द ग्रेट इन्डियन कपिल शो’ अफ एयर हुने कुरा पनि पुष्टि गरिन् । उनले भनिन्, ‘हो, हामीले पहिलो सिजनको छायांकन पूरा गरिसकेका छौं । हामीले हिजो सिजनको अन्तिम एपिसोड छायांकन गरेका थियौं ।” उनले थपिन्, “सेटमा धेरै रमाइलो र सेलिब्रेशन भयो, यो शोमा अहिलेसम्मको यात्रा निकै राम्रो रह्यो । यो एक अद्भुत यात्रा थियो र हामीले सेटमा केही अद्भुत समय बितायौं ।’

‘द ग्रेट इन्डियन कपिल शो’ दुई महिनामै बन्द भएको खबरले सबैलाई छक्क पारेको छ । कपिल शर्माको शो यति चाँडो बन्द भएको यो पहिलो पटक हो ।

शोका कलाकार किकु शारदाले ‘द ग्रेट इन्डियन कपिल शो’ बन्द गर्नुको कारण खुलाएका छन् । किकुले भने कि यो अस्थायी र्यापअप हो । न्यूज १८सँग कुरा गर्दै किकुले भने, ‘हामीले १३ एपिसोड पूरा गरिसकेका छौं । हामीले भर्खरै पहिलो सिजन पूरा गर्यौं। यसको दोस्रो सिजन चाँडै आउँदैछ ।’

उनले दुई सिजनको बीचमा धेरै अन्तर नहुने बताए । टेलिभिजनमा लामो समयसम्म शो चल्ने गर्दथ्यो तर अहिले ढाँचा फेरिएको छ । हामी चाँडै फर्कनेछौं । यो र्‍याप जस्तो लाग्छ किनभने हामीले यसलाई त्यस्तै देख्यौं । तर यो अस्थायी हो ।

द ग्रेट इन्डियन कपिल शो मार्च ३०, २०२४ मा नेटफ्लिक्समा प्रिमियर भयो, जसमा रणवीर कपूर, नीतु कपूर र रिद्धिमा कपूर साहनी अतिथिको रूपमा थिए ।