‘सुनिल शर्माले माओवादी उम्मेदवारलाई हरायो भन्नु गलत कुरा हो । त्यसरी जुन माओवादी नेताले भन्यो त्यो असाध्यै अपरिपक्व, गैर राजनीतिक मानिसले भनेको होला । म त्यसको घोर भर्त्सना गर्छु । मैले त्यस्तो गर्ने हो भने माओवादीलाई हराउने मेरो प्लान हुन्थ्यो भने म भनेरै हराइदिन्थे । मलाई कुनै मतलब थिएन । म किन डराउँथे ? तर मेरो त्यस्तो कुनै कुरा थिएन । प्रदेश सरकार बनाउँदा संविधानको धारा १६८ (५) अनुसार सरकार बनाउँदाको परिस्थिति हो । मेरो गिरफ्तारी कुरा अर्कै कुरा हो । उनीहरूले दादागिरी देखाए । अदालतले छोड्यो । मैले न्याय पाइसकेँ ।’
बिज्ञापन
‘तपाईंलाई त कांग्रेसकै एउटा पक्षले पनि सुनिल शर्मा मुख्य योजनाकार हो भन्छन् नि ?’ भन्ने प्रश्नमा पनि उनले भने, ‘देउवावाला काँग्रेसले भन्दैनन् । शेरबहादुर दाइसँगै मेरो राम्रो छ । उहाँले पठाएरै सिटौला दाइलाई जिताउन ७ जिल्ला दौडेको हुँ ।’
बिज्ञापन
‘त्यही जिल्ला दौडले त खेलोफड्को बिग्रियो भन्छन् त ?,’ भन्ने प्रश्नमा शर्माले आफू कुनै त्यस्तो योजनामा नभएको बताए । ‘होइन, अहिले मानिसहरू अपराधी र लोभी भए । अर्को कुरा माओवादीसँगको गठबन्धनलाई काँग्रेसभित्र धेरैले पचाएको छैन । यो त्यसैको रियाक्सन पनि हो । नेताहरू माथि निर्णय गर्छन्, तल लाद्छन् । काउन्सिलिङ गर्नुपर्थ्यो नि त । अहिले लोभीपापीको जमानामा पैसाको चलखेल होला । मेरो विश्लेषण त्यो हो । मैले माओवादीका माथिल्लो तहका नेतासँगै कुरा गरिसकेको छु नि । उहाँहरूले पनि पैसाको चलखेलबाटै भएको हो भनेर भन्नुभएको छ । दुवै साइडको समीक्षा नै यही हो । हामीले हिर्काएको भए यस्तो झारे तरिकाले हिर्काउँथ्यौ र हामी ? हामी त टिमले नै हान्ने हो नि हान्ने हुँदा । त्यसो हुँदा १२ जना सांसद र ३० जना स्थानीय तहका प्रतिनिधिले नै थाहा हुने गरी हान्थ्यौँ नि । हामी त त्यसरी म्यासेज दिन्थ्यौँ नि । यस्तो केटाकेटी काम गरिन्छ ? बुद्धि नभएर हो नि यस्तो काम गर्नेको । एउटा सांसद म्यानेज गरेको भए एमाले हारिसकेको थिएन ?’
कोशी प्रदेशमा राष्ट्रियसभा निर्वाचनमा महिलातर्फको निर्वाचनमा सत्ता गठबन्धनकी उम्मेदवार माओवादीकी चम्पा कार्कीविरुद्ध एमालेकी रुक्मिणी कोइरालाले सर्प्राइज जित निकालिन् । कोइरालाले ५०८६ मत ल्याउँदा गठबन्धनका तर्फबाट माओवादीकी कार्कीले ४९९२ मत मात्र पाइन् । कोइरालाले ४९ सांसदको मत पाउँदा कार्कीले ४४ जनाको मात्रै पाइन् । यस्तै स्थानीय तहबाट कोइरालाले १३१ जनाको २ हजार ४८९ मत पाउँदा कार्कीले भने १४० जनाको २ हजार ६५० मत पाइन् । महिला उम्मेदवारले पराजय बेहोर्दा सत्ता गठबन्धनबाटै काँग्रेस नेता कृष्ण प्रसाद सिटौला भने विजयी भएका थिए ।
बिज्ञापन
