काठमाडौँ । नेपाल नागरिक उड्डयन प्राधिकरणका महानिर्देशक प्रदिप अधिकारीको ठाडो निर्देशनमा नेपाल एयरलाइन्सका पाइलटहरू विजय लामा र भावना पन्तलाई ‘एक्टिभ ड्युटी’बाट हटाएपछि अन्य पाईलट तथा उडान सम्बद्ध कर्मचारीहरुले असन्तुष्टि जनाएका छन् ।
त्रिभुवन अन्तर्राष्ट्रिय विमानस्थलमा उडान सुरक्षा प्रावधान उल्लंघन गरेको भन्दै प्राधिकरणले सोमबार उनीहरूलाई अनुसन्धान अवधिभरिका लागि ग्राउन्डेड गरेको हो ।
बिज्ञापन
पन्त न्यारो बडी जहाज ‘एयरबस ३२०’ उडाउने क्याप्टेन हुन् भने लामा वाइड बडी जहाज ‘एयरबस ३३०’ जहाज उडाउने क्याप्टेन हुन् ।
बिज्ञापन
लामाले सामाजिक संञ्जमालमा उडानको समयको फोटो पोष्ट गरेको भन्दै स्पष्टिकरण सोधेपनि पन्तका बारेमा भने कुनै कारण नखुलाईएको उड्डयन प्राधिकरणका एक अधिकारीले जानकारी दिए ।
ती अधिकारीका महानिर्देशक अधिकारी कानूनको भन्दा पनि हुकुमीशैलीमा प्रस्तुत हुन थालेका छन् । नागरिक उड्डयन भित्रका अन्य समस्याहरुको निराकरण गर्ने भन्दा पनि बिषयहरुलाई बिषयान्तर गर्दे कर्मचारीहरुमाथी एक खालको शन्त्रास फैलाउने काम भै रहेको छ ।
बिज्ञापन
नीजि विमान कम्पनीमा पाईलटहरु जाने क्रम तिब्र भइरहेका बेला कुनै गम्भिर दोष नदेखिएको बिषयमा कारबाहीको डण्डा नेपाल बायुसेवा निगमलाई अझै कमजोर बनाउने चाल रहेको ती अधिकारीले बताए ।
महानिर्देशक अधिकारीले केही समय अघि अन्तर्राष्ट्रिय विमानस्थलका ग्राउण्ड ह्याण्डलीङ पनि नेपाल बायु सेवा निगमबाट खोस्नु भएको थियो ।
