काठमाडौं – नेपाली कांग्रेसका नेता भुपेन्द्रजंग शाहीले पार्टीभित्र अवसरको असमानता अहिलेको मुख्य द्वन्द्ध भएको बताएका छन्। उनले भने,
“अरु कुरा जे गरे नि, जे भने नि, बारम्बार अवसर पाएका र पटक-पटक अवसर पाउने जति नै योगदान गरेर पनि, अहिलेसम्म कुनै अवसर नपाएका बीचको विभेद र असमानता नै अहिलेको मुख्य द्वन्द्ध हो।”
शाहीले यस सन्दर्भमा पार्टीभित्रको निष्पक्षता र समान अवसर सुनिश्चित गर्न आवश्यक रहेकोमा जोड दिएका छन्। उनका अनुसार, नेतृत्वले सबै योगदानकर्तालाई समान अवसर दिनुपर्ने जिम्मेवारी बोकेको छ।
पार्टीभित्र लामो समयदेखि सक्रिय रहेकाहरूले बारम्बार योगदान गरिरहे पनि केहीलाई अवसर नपाउनु, पार्टीभित्र असमानता र असन्तुष्टि सिर्जना गरेको टिप्पणी शाहीले गरेका छन्।
यस सन्देशले आगामी पार्टी संरचना र नेतृत्व चयन प्रक्रियामा विवादास्पद बहसलाई जन्म दिने अनुमान गरिएको छ।
बिज्ञापन
बिज्ञापन
