सल्यान । शारदा नगरपालिकाले सामुदायिक सहभागितामार्फत विद्यालय भवन निर्माण कार्यको थालनी गरेको छ।
२०८२ कार्तिक १० गते शनिबार हिवल्चा स्याला, वडा नम्बर–११ स्थित बालकल्याण आधारभूत विद्यालयको जिर्ण भवन भत्काएर नयाँ भवन निर्माण सुरु गरिएको हो।
श्रमदान कार्यक्रमको सुरुवात नगर प्रमुख प्रकाश भण्डारी र जिल्ला प्रहरी प्रमुख डा. हेम केसीले संयुक्त रूपमा गर्नुभएको थियो। कार्यक्रममा जनप्रतिनिधि, नेपाल प्रहरी, नगर प्रहरी, शिक्षक तथा स्थानीय बासिन्दाको उत्साहपूर्ण सहभागिता रहेको थियो।
कार्यक्रमका अवसरमा नगर प्रमुख भण्डारीले समुदायको एकता र जनसहभागितामार्फत विकासका कामलाई गति दिन सकिने बताउनुभयो। उहाँले विद्यालय भवन निर्माण कार्यले स्थानीय विद्यार्थीहरूको सिकाइ वातावरणमा सकारात्मक प्रभाव पार्ने विश्वास पनि व्यक्त गर्नुभयो।
स्थानीयले श्रमदानमार्फत शिक्षा क्षेत्रको पूर्वाधार निर्माणमा हातेमालो गर्दै विकासमा सक्रिय भूमिका निर्वाह गर्न थालेको शारदा नगरपालिकाले जनाएको छ।
तस्बिरहरू :
बिज्ञापन
बिज्ञापन
बिज्ञापन
